ალბათ ყველამ, ვინც ლიბიკას ნაწერებს კითხულობთ უკვე იცით, რომ გასული წლის ოქტომბერში ფრანკფურტის წიგნის ბაზრობაზე ვიყავი და სულ რაღაც ერთ თვეში ლაიფციგის წიგნის ბაზრობაზე წავალ (თუ შეგშურდათ, არ გამოხატოთ ). ახლა არ ვილაპარაკებ არც ფრანკფურტზე და არც ლაიფციგზე და უბრალოდ ერთ ძალიან მოკლე წერილს გაჩვენებთ, რომელიც რამდენიმე წუთის წინ საკუთარი ნიკონით გადავიღე და კომპში შევაგდე.

წერილის ავტორი 14 წლის სტივენ კინგია, ადრესატი კი მისი პირველი რედაქტორი.

ეს წერილი ფრანკფურტიდან ჩამომყვა, ამ სიტყვის პირდაპირი მნიშვენლობით. ნუ იფიქრებთ, რომ იმდენად გადარეული ბიბლიოფილი ვარ და თანაც იმდენად დიდი შემოსავლის მქონე, რომ კინგის წერილი რარიტეტების განყოფილებაში მეყიდა ასე არაა. თუმცა იმდენად იღბლიანი მანიც ვარ (და ეს ყოველთვის ვიცოდი) რომ ფრანკფურტის ბაზრობის დახურვის დღეს მოვასწარი და 15 წუთი Sperling & Kupfer – ის გამომცემლობის სტენდზე გამოფენილი წიგნების ნახვას მოვანდომე.

ვინც ფრანკფურტში ბუხმესეზე მოხვედრილა ეცოდინებათ, რომ ბაზრობის ბოლო დღეს გამომცემლობები მზად არიან ძალიან იაფად გაყიდონ მაქსიმალურად ბევრი წიგნი, რათა უკან წასაღები არ გაუხდეთ (ტრანსპორტირება კი, დამერწმუნეთ, საკმაოდ ძვირი და თანაც არაკომფორტული პროცედურაა). აი ამ იღბლის დამსახურებით, ძალიან იაფად ვიყიდე Tutto su Stephen King – მილანური გამომცემლობის შესანიშნავად გამოცემული წიგნი, რომელშიც ბონუსებად კინგის წერილების, მისი სცენარებიდან ცალკეული ფრაგმენტები, ჩანახატები და მოთხრობების დარედაქტირებისას გაკეთებული შენიშვნების ზუსტი ასლებია ჩაწყობილი.

დღეიდან პერიოდულად ამ მასალებს გაგაცნობთ ხოლმე